Hizkuntza hegemonikoa desikasi?

Osteguna, 2015eko ekainaren 25a

Urtzi Urrutikoetxeak Espainiera desikasten (I) izeneko artikulua argitaratu du zuzeu.eus web gunean. Bertan Lutxo Egiaren performancearen harira, euskaaraz bizitzearekin lotutako hainbat gai jorratzen ditu, tartean TELP tailerrak aipatzen dituelarik. Hona hemen Urtzik idatzitako ideia batzuK:

“unibertsitateak irakasle euskaldunik jartzen ez duenean, manifestazioa edo itxialdia egitea aukera bat da, baina eraginkorragoa da ziur aski desobedientzia zuzenean egitea: nork bere hizkuntzan, batek espainolez eskolak, besteak euskaraz galderak, lanak, azterketak. Euskararen arazo zena elebakarraren arazo bihurtuko da.”

“Bestela planteatu dezakegu: hitzaldi bat, liburu aurkezpen bat, film proiekzio bat antolatu eta esango bagenu “zurientzat bakarrik” edo “gizonentzat bakarrik” itzela irudituko litzaiguke, baina Oiartzunen “espainolez jakin behar da” esateak ez digu krak egiten? Eta ez al dugu hori adierazten Cadizko batek uler dezakeen baina baigorriarrak ulertuko ez duen ekimena antolatzen dugunean, sarritan udalaren laguntzarekin?”

Urtzik bere artikuluari segida emango diola adierazi du. Zain egongo gara.

Hemen duzue artikulua: Espainiera desikasten (I)

https://www.flickr.com/photos/gforsythe/7211160284/

https://www.flickr.com/photos/gforsythe/7211160284/

Lutxo Egia: “Performancearekin estres linguistikoa gutxitu egin dut”

Ostirala, 2015eko ekainaren 19a

Lutxo_EgiaAurreko sarrera batean esan genizuen moduan, Lutxo Egia idazleak performance artistikoa egiten ari da:Bilbon hilabetez bizitzea Bilboko hizkuntza hegemonikoa den gaztelaniaz hitz egin gabe. 

Performancearen lehenengo astea igarota, berarekin egon gara bere esperientziaren berri izateko. Galdetu diogu ea nola sentitu den, zein estrategia erabili duen eta aurrera begira performancean zer nolako esperimentazioak egiteko asmoa duen.

Hona hemen Lutxok bota dituen ideia batzuk: “hasieran uste nuena baino askoz errazagoa da euskara hutsean komunikatzea”, “ahalduntzea praktikan jarri dut eta ondorio positiboak ematen ditu”

Hemen duzue Lutxok kontatu diguna:

Performancearen egunerokoa idazten du Lutxok BERRIAko webguneko Trantsitoak blogean.

Imaginatzen duzue performance hau kolektiboa egingo bagenu? Hizkuntza hegemoniko gabeko eguna adibidez?

Egunerokoan euskaraz bizitzeko aholku errazak

Asteazkena, 2015eko ekainaren 17a

EMUN aholkulariak lantaldeko kide eta TELP tailerren dinamizatzailea den Juanjo Ruizek ETB1eko Tribuaren Berbak saioan ikusi ahal izan genuen egunerokoan euskaraz bizitzeko aholkuak ematen. Zeintzuk? Hemen ikus ditzakezue:

Egunerokoan euskaraz bizitzeko aholkuak

tribuaren_berbetan

Tribuaren Berbak saioaren denboraldiko azken atala izan zen eta aurreko saioen errepasoa egin eta ondorioak atera zituzten.

Bejondeiela Kike eta bere lagunei egindako lanagatik eta laster arte!

 

 

 

TELP tailerrei buruzko artikulua ARGIAn

Asteartea, 2015eko ekainaren 16a

ARGIA astekarian EMUNeko aholkulari diren Larraitz Madinabeitiak eta Ainhoa Lasak Donazaharren emandako TELP tailerraren berri ematen duen artikulua argitaratu da. Bertan tailerrean parte hartu zutenen esperientziak azaltzen dira, besteak beste.

Hona hemen lotura: Euskaraz eroso aritzeko entrenatzen

Era berean, hemen duzue parte hartzaileek tailerrari buruz egindako balorazioa:

Posible al da Bilbon bizitzea gaztelaniaz hitz egin gabe?

Osteguna, 2015eko ekainaren 11a

Lutxo Egia idazleak performance ikusgarri bat egiten hasiko da gaurtik aurrera: Bilbon hilabetez bizitzea Bilboko hizkuntza hegemonikoa den gaztelaniaz hitz egin gabe. Euskaraz arituko da eta ezinbestekoa duenean ingelesea ere erabiliko du. Bi-lingual: transitoak izenburua eman dio performance honi.

Bere helburua arau sozialak ikusaraztea eta haiekin jolastea izango da. BERRIA egunkarian eta www.berria.eus orrian sortutako blog batean kontatuko du bere esperientzia:  www.berria.eus/ blogariak/transitoak/

Bere performanceari hasiera emateko festa antolatu du Bilboko Somera kalean arratsaldeko 19:30etik aurrera.

BERRIAn elkarrizketa egin diote bere esperientziaren berri izateko: Hizkuntza hegemonikoa ahaztuta biziko naiz hilabetez

Saiatuko gara guk ere Lutxori bere esperientziaren berri galdetzen eta hona ekartzen.

 

https://www.flickr.com/photos/pawer13/4894251381/

Kike Amonarrizekin solasean Tribuaren berbak saioan

Osteguna, 2015eko ekainaren 4a

Kike Amonarrizek gidatzen duen ETB1eko Tribuaren berbak telebista saioan Emuneko lankidea eta TELP tailerretako dinamizatzailea den Juanjo Ruiz elkarrizketatu dute.

Denboraldi honetako azken saiorako egin dugu elkarrizketa. Denboraldian zehar ikusitakoaren errepasoa egingo du Kikek eta gurekin izandako elkarrizketan TELP tailerren berri galdetzeaz gain zenbait egoeretan euskarari eusteko aholkuak eskatu dizkigu.

Ekainaren 16an emitituko duten saioan ikus ahal izango duzue elkarrizketa.

 

 

TELP tailerra Baxenabarren

Osteguna, 2015eko maiatzaren 7a

Apirila bukaeran eta maiatzaren hasieran zehar EMUN aholkularitzak TELP tailerra eman du Baxenabarren, bertako hainbat euskara eragileen ekimenez.

Baxenabarreko Aldude ibarreko Adur, Amikuzeko Zabalik, Oztibarreko Laminosine eta Irisarriko Har’eman elkarteek elkarlanean TELP tailerra antolatu zuten Donazaharren. Ipar Euskal Herriko euskararen egoeraren diagnostikoaren arabera, Baxenabarre da egoera indartsuena duena (inkestek diote biztanleen %50 euskaldunak direla) eta horregatik TELP tailerra antolatzea erabaki zuten.

Tailerra elkarlanaren lehenengo pausoa izan da eta ekimen gehiago martxan jartzeko asmoa adierazi dute.

BERRIA egunkarian gai honi buruzko albistea argitaratu zen: Euskara elkarteen elkarlana

https://www.flickr.com/photos/orreaga/4078706678/

https://www.flickr.com/photos/orreaga/4078706678/

Mila esker Garitano

Astelehena, 2015eko apirilaren 27a

Soka luzea ekarri du atzo Gaizka Garitanori Almeriako prentsaurrekoan gertatutakoa kazetari batzuen errespetu falta dela eta. Ikusi ez baduzue, hemen duzue bideoa:

Eredugarri Garitanoren jokaera. Norbaitek esan duen moduan, espaloitik ez jaisteko oholtzatik jaitsi da.

Twitterren #MileskerGaritano traolak abian jarri dituzte Garitanoren jokaera eskertzeko. Twitter bidez jende askok eskertu du Garitanoren jokaera, besteak beste, Patxi Baztarrikak Paul Bilbaok, Mertxe Mugikak.

Era berean, txalogarria Almeriako prentsa arduradunaren jokaera errespetua eskatuz eta ETBko kazetariarenabigarrenean ere euskaraz galdetzeagatik. Hirurei mila esker eta segi horrela. Espero dezagun gertaera honek laguntzea horrelakoak berriz gerta ez daitezen, ez Almerian, ez Euskal Herrian bertan.

Raül Agné entrenatzaileari ere berdin gertatu zitzaion duela urte batzuk:

 

TELP tailerra BERMEON martxoaren 14 eta 28an

Astelehena, 2015eko martxoaren 9a

Bermeoko Udalak eta Bermeoko Gazte Asanbladak antolatuta, TELP tailerra eskainiko da martxoaren 14an eta 28an (zapatuak) Kabidxe gune sozialean. Tailerra bereziki gazteei zuzenduta izango da. Ordutegia 9:00etatik 14:00etara izango da.

Izena emotea martxoaren 12a baino lehen egin behar da Bermeoko Gazte Asanbladaren Facebook orrian eta Bermeoko Udaleko Euskara Sailan.

Informazio gehiago hemen aurkituko duzu: Gazteei zuzendutako TELP tailerra

Kartela hemendik hartu dugu: http://gizbermeo.blogspot.com.es/2015/03/gazteei-zuzendutako-telp-tailerra.html

Kartela hemendik hartu dugu: http://gizbermeo.blogspot.com.es/2015/03/gazteei-zuzendutako-telp-tailerra.html

Udaltzain eta poliziekin euskarari eutsiz

Osteguna, 2015eko martxoaren 5a

Zuzeu.eus orainkari digitalean irakurri ahal izan dugu pertsona bati gertatutakoa. Udaltzaingora deitu eta euskaraz artatu ez eta euskarazko arreta esaktzerakoan deia moztu diote. Ondoren 112 telefonora deitu, ertzain etxearekin jarri eta euskarazko arretarik ez eta deia moztu. Hirugarren deia egin, beste ertzain etxe batekin jarri eta antzerako egoera, euskaraz artatu ez eta deia moztu. Azkenik, berriz ere lehenengo ertzain etxera deitu, euskarazko arreta eskatu eta azkenik euskaraz arreta egin dion pertsona bat jarri da. Egoera xehetasunez irakurtzeko hemen duzue lotura: Poliziarekin euskaraz

Esperientzia honetan eredugarria iruditu zaigu protagonistaren portaera. Zailtasunen aurrean etsi ez eta “denbora guztian lasai hitz eginez eta faltatu gabe” aritu da. Euskarazko arreta eskatu eta erdaraz egiteko izan dituen eskaeren aurrean ez du amorerik eman eta euskarari eutsi dio. Bejondeiola!

Gisa honetako egoerak konpontzearen giltza ez dago norbanakoaren portaeran menpe. Kasu honetan administrazioaren ardura da arreta ofiziala den hizkuntza batean egitea. Hala ere, gertaera honetako protagonistak erakusten digu bere portaerarak eragina izan dezakeela.

Azkenik Hizkuntza Eskubideen Behatokian eta Elebiden kexa jarri du. Kexak jartzea etorkizunean antzerako egoerak murrizteko aukerak handituko ditu. Bai administrazioan, bai arlo pribatuan ere. Hizkuntza arreta desegokia egiteagatik kexa jartzea arazoa azaleratea da, zerbitzua ematen duenari hobetzeko aukera bat ematea. Ez al da zentzuzkoa hobetzeko aukerak aprobetxatzea?

https://www.flickr.com/photos/govanriverside/6231108255

https://www.flickr.com/photos/govanriverside/6231108255